Оханан беттан ткъе пхоьалг1ачу апрелехь Айти-Махкара йуккъерчу ишколехь д1айаьхьира нохчийн маттана лерина «Нохчийн мотт- дахаран хазалла!» аьлла цхьаьнакхетар. И де даздо вай х1ора шарахь оханан беттан 25-чу дийнахь Стеган къам къастош берг буьйцуш болу мотт бу.  Мотт - вайн ойланан а, кхетаман а, хьекъалан а, дахаран а ца хилча йиш йоцу г1ирс бу. Нохчийн мотт- вайн къоман а, х1ора нохчичун  а дахаран хазна йу.   Оцу мероприятехь дакъалоцуш бара 5-7-чу классашкара дешархой. Дешархоша ч1ог1а лерина кечам бира цу мероприятина. Цара кечйинера эшарш, сценкаш, нохчийн даарш. Цхьаьнакхетаран  1алашо йара, нохчийн  маттана  лерина  мероприяти  д1айахьа. Вешан  ненан  маттах  доггах  дош  ала  и  ваьшна  безаш хилар, оьшуш хилар  т1еч1аг1дан. Къоман  уггаре  йеза  а,уггаре  сийлахь а  хазна  йу  ненан  мотт. Дуьненчохь  уггаре  баккхийчу  тамашех  цхьаъ  адаман  мотт  бу.Вайн  ненан  мотт – иза нохчийн  мотт бу. Тайп – тайпанчу  хьелашкахь  хилла  и: оьшуш, ца  оьшуш, безаш, ца  безаш, амма  таханлераниг  санначу  дийне  сатийсина  цуьнца  шовкъ  йолчара. 25 – г1а  апрель – Ненан  меттан  деза  Де хилар т1еч1аг1дина  шайн  сацамца  вайн  сийлахьчу  куьйгалхоша. Дела реза хуьлда  царна!