Ножай-юрт кӀоштахь ЧИПКРОс д1аяьхьначу нохчийн меттан хьехархойн говзалла лакхаяккхаран курсийн жамӀ деш, 6 апрелехь Айти-Махкару ишколехь хилира, Хасав-юрт кӀоштан,Ножай-юрт кӀоштан нохчийн меттан хьехархойн семинар «ФГОС-н хьелаш кхочушдарехь кхузаманан урокан лехамаш». Тхан ишколан хьехархоша баьхкинчу хьешашна кхеле ехкира йиллина урокаш а (Магомедова П.С.,Висханова М.Дж.), классал арахьара мероприяти а(Юсупова Э.Б.). Иштта хьешийн кхеле диллира берийн юкъара къийсадалар- "Хьешан кхача" ЧИПКРО-н белхахо,нохчийн меттан,литературин кафедрин куьйгалхо Дашаева Л.Х.,цуьнан гоьнча Гавдаханова 1.,баьхкинчу хьешашца цхьаьна йийцаре йира йиллина урокаш. ФГОС-ан лехамашца нийса чулацам болуш ю аьлла,лаккхара мах хадийра хьешаша урокийн. Билгалдаьккхира шайна пайденна шаьш схьаоьцур дерг,иштта шаьш хӀун тӀетухар дара аьлла хетарг элира. Тхан беркате цхьаьнакхетар дӀадерзийра тхан дешархоша кечдинчу самукъане сахьтаца. Баркалла ала лаьа тхайга баьхкинчу хьешашна, шайн балха юкъара а бевлла,тхо долчу бахкарна. Иштта Дела реза хилла ала лаьа, тхан белхалошна а,дешархошна а семинар дӀаяхьа дакъалацарна. Массарна Дела РЕЗА хуьлда, Дала диканца бекхам БОЙЛА!!! Дала кхиамаш совбохийла вайн хьехархойн а, дешархойн а!!! Дала т1аьхье беркате йойла!!!